Overblog Suivre ce blog
Editer l'article Administration Créer mon blog
16 septembre 2012 7 16 /09 /septembre /2012 15:16

PROGRAMA DE LA HÈSTA DE LA CATINON 2012

Minjacebas - Sent Lis

 

Divendres 5 d'octòbre de 2012

 

Animacions escolaras a Sent Lis : Talhèrs de dança traditionala occitana, hèit per Joan Francés Capon, endeus pichons de las escòlas.

En 2002, a partir d’una prepausicion de l’associacion País de Catinon, la municipalitat bota en plaça un ensenhament bilingüe Francés/Occitan a l’escòla mairala. Au jorn d’auèi son 150 escolans que seguissen l’ensenhament bilingüe de la mairala au collègi de Sent Lis. Hestejam enguan le detzen aniversari de la seccion bilingüa sentlisiana.  

 

18H00 : Inauguracion de la placa de la carrèra Carles Molin a Tolosa (barri de la Cepièra) per la municipalitat de Tolosa, seguida d’un vin d’aunor e de musica occitana.

 

 

Dissabte 6 d’octòbre de 2011, a l'espaci Graveta de Sent Lis

 

A partir de 18H00 : Arribada de la Catinon (hèita per Miquèu Sent Ramon), acompanhada deu siu Jacotin, ende aculhir les mainatges de las classas bilinguas de Sent Lis ambe lors parents. Cada classa harà sus l’empont la siva creacion.

 

18H30 : Ambe Manu Isopet, ajudat per la Catinou, les mainatges cantaràn amassas sur l’empont bèl de la Graveta « Se canta » e « l’Immortela ».

La Catinon premiarà les mainatges en lor donar boniquèras.

 

A partir de 19H00 : Granda serada occitana, tot public, menada per MANU ISOPET. Dintrada liura e gratuita. 

La balòcha se harà ambe danças que les mainatges aprenguèren a las escòlas. Les adultes auràn pas qu’a seguir l’exemple. Les ensenhaires seràn aquí ende vos guidar dins los vòstes prumèrs passes de dança.

Tradicionala tasta de la còca de cebas de Minjacebas ambe le vin blanc de Gasconha.

 

Un servici de restauracion es previst dins la sala.

A « la taula  de la Catinon ».

Vos serà prepausat per 6 èuros : la sopa de ceba de Minjacebas, la saussissa de Tolosa, fritas, fruta de sason, bevudas.

Rensenhaments e reservacions : 06.86.89.23.61 lp.lasseube@orange.fr

 

 

Taulèr Libraria de la Catinon : Trobaratz tot çò que pertòca l’òbra de Carles Molin e de Pirolet : Libres, brocaduras, CD, DVD, quasèrn de la Catinon.

 

 

Dimenge 7 d’octòbre de 2012

 

11H00 Granda mèssa en occitan, a la glèisa de Sent Lis, celebrada per l’abat Jòrdi Passerat e le pair Joan Claudi Vasseur, curè degan de Sent Lis. Mèssa ambe la corala de Lègavin de l'Ostau de la Sava o Toish que harà cants religioses occitans. Claudi Romero e Momo dit « l’Esquiròl » deu grop « lo Jaç », haràn una animacion musicala ambe la cabreta, la bodega e le graile.  Mèssa servida peu darrèr garda soïs de França tota, Loïs Bonzòm de l’Èrm. A la sortida de la mèssa, suu parvís de la glèisa, distribucion tradicionala deu pan d’anís benasit.

 

13H00-17h00 Granda taulejada a l’Espaci Graveta de Sent Lis (darrèr la glèisa) 

Menut preparat per Francés Arlet aprestaire a La Hita Bigordana :

Aperitiu, sieta de hitge gras, pora borida ambe le siu farcit e le siu ris, fromatge, còca maison, vin roge de las Corbièras, cafè e un riquiquí aufèrt peu Jacotin.

Le repaish serà animat per de coralas qualitadosas : Que canta que hè cants pirenencs e Sèt de Cant qu'es grope corau.

 

 

Ensemble repaish + cants : 24 €. mens de 16 ans : 15€

(data limit d’inscripcion au dijaus 4 d'octòbre de 2012)

Rensenhaments e reservacions : 06.86.89.23.61 lp.lasseube@orange.fr


Ende manténguer l’esperit de la Catinon e de sosténguer sas accions, juntatz les amics de la Catinon. Receberatz regularament les quasèrns de la Catinon, le reculh d’aumenatge a Pirolet, las informacions de l’associacion, istoèras de la Catinon… Aderatz a l’associacion : 10 €, Chèc a l’òrde de l’associacion « Catinou »

 

Associacion País de Catinon , Mairia, plaça nacionala, 31470 ST LIS

 

Contactatz l’associacion per internet : paisdecatinou@voila.fr

 

 

Hèsta hèita per l'associacion Païs de Catinon e ambe le sosteng de la vila de Sent Lis


Partager cet article

Repost 0
Published by Nicolau Rei Bèthvéder
commenter cet article

commentaires

Presentacion / Présentation

  • : País de Catinou (Saint-Lys / Sent Lis)
  • País de Catinou (Saint-Lys / Sent Lis)
  • : Site de l'association pour l'occitan à Saint-Lys / Siti de l'associacion ende l'occitan a Sent Lis
  • Contact

Recèrca / Recherche