Overblog Suivre ce blog
Editer la page Administration Créer mon blog
/ / /


Vous voulez savoir qui était Charles Mouly, le créateur de Catinou et Jacouti ? cliquez sur le lien ci-dessous :

http://fr.wikipedia.org/wiki/Charles_Mouly


Volètz saber qui èra Charles Mouly, le creator de Catinon e Jacotin ? clicatz suu ligam de devath :

 http://oc.wikipedia.org/wiki/Carles_Molin


Charles Mouly raconte sa vie, en occitan, dans une vidéo de l'Université de Toulouse Le Mirail. cliquez sur le lien ci-dessous / Charles Mouly conta la siva vida, en occitan, dins una vidèo de l'Universitat de Tolosa Le Miralh. clicatz devath :
 
http://www.canal-u.tv:80/canalu/producteurs/vo_universite_toulouse_le_mirail/dossier_programmes/occitan/charles_mouly_de_compolibat_a_catinou


Une émission de radio sur Ch. Mouly / Una emission de ràdio sus C. Mouly :
http://www.radio-pais.com/v2/index.php?option=com_content&task=view&id=109&Itemid=39




Article de N. Rei Bèthvéder sus la mòrt de Charles Mouly, paregut dins la Setmana n°705
"Adissiatz plan, Carles Molin !
Lo 1èr de març, lo creator de Catinon e Jacotin es mòrt. Istòria d'un òme que maridèt l'occitan ambe lo succès.
Carles Molin (Charles Mouly en francés) èra primièr de chifras que fan flòri : 1000 emissions de ràdio en òc entre 1944 e 1965. 20 000  cronicas en occitan en la premsa regionala. 4000 pèças de teatre jogadas de Catinon. Un detzenat de libres tirat a 50 000 exemplars cadun. Un vintenat de libret de Catinon e Jacotin (Catinou e Jacouti dins la grafia de l'autor), venduts per la Despacha a 5 milions d'exemplars al total.... Aquò fa de Carles Molin un OVNI dins lo mitan occitan. Foguèt lo sol escrivan occitan del sègle XX a tocar las massas e foguèt tanben mespresat longtemps pels intellectuals occitanistas.
Lo succès de Catinon e Jacotin
Per explicar lo paradòxe C. Molin nos cal tornar a la font. Nascut en Roèrgue en 1919 e filh d'Enric Molin, fondator del grelh roergàs e escrivan occitan de tria, Carles Molin aimava a dire que "l'occitan i tombèri dedins pichon, coma Obelix dins la pocion magica." Lo jove Molin, licenciat de letras en 1937, es un òme cultivat qu'a ja la passion del teatre. Es dins lo rire que realizèt completament a la fin de la segonda guèrra mondiala. Animator de la primièra emission de varietat en occitan de 45 minutas, Molin se liguèt ambe lo comedian tolosan Dominique. La capitada d'aquela emission de Ràdio Tolosa èra de pas creire. Cada setmana èran milierats de letras qu'arribava de tot l'oèst occitan. Lo succès dels Pescafins èra tant grand que las gents s'arrestavan de trabalhar per escotar Catinon e Jacotin. C. Molin aimava contar que los Pescafins èran estats difusats en Algeria pel contingent d'origina occitana que reclamavan la Catinon ! Lo succès extraordinari s'explica per lo talent de C. Molin qu'a lo sens del public : crèa la Catinon, una femna grosseta al vèrbe lèst e acompanhat per un òme aganit e popa-vin, lo Jacotin. Avèm un duo mitic portat per l'actor excepcional que foguèt Gaston Dominique (1903-1965). Catinon èra Dominique e Dominique èra Catinon.
Lo regèt
Ambe la mòrt de Dominique, las emissions e la pèças s'arrestèron. C. Molin contunhèt sas cronicas de Catinon e Jacotin dins la Despacha. Foguèt tanben dins las annadas '60 e '70 lo temps de las criticas pel mitan occitanista. Jutjat tròp popular e perqu'emplegava una grafia pas pro aluenhada del francés, Molin èra regetat e desconsiderat. Òme reservat e cortés, C. Molin ne sofriguèt fòrça en silenci. Coma Marcèu Amont en Bearn, òm reprochava finalament a Molin d'èsser popular. Disiá sovent "l'occitan es pas ni d'esquèrra, ni de dreita, es de totis. e ieu fau rire en occitan."
La reabilitacion
Caldrà esperar lo cinquantenari de la Catinon en 1995, per veire C. Molin reabilitat. Las emissions foguèron reeditadas en caissetas. Lo teatre de la Rampa, primièr, puèi tropas teatralas tornèron prendre las comediòtas de Catinon. Foguèt tanben a aquela epòca que Patric Lasseube creèt l'associacion País de Catinon a Sent Lis. Es dins un lòc-dit aquela bastida tolosana, Minjacebas, que Molin fasiá viure Catinon e Jacotin. Foguèt lo temps de la reconciliacion ambe lo monde occitanista tornat al realisme. Gràcia a l'accion de l'associacion País de Catinon se faguèt fòrça causas dont una fèsta annuala de la Catinon qu'es encara un succès popular. L'universitat de Tolosa Lo Miralh faguèt de vidèos ambe Carles Molin, pròva que lo paire de Catinon e Jacotin a una plaça bèla lo panteon occitan."


Partager cette page

Repost 0
Published by

Presentacion / Présentation

  • : País de Catinou (Saint-Lys / Sent Lis)
  • País de Catinou (Saint-Lys / Sent Lis)
  • : Site de l'association pour l'occitan à Saint-Lys / Siti de l'associacion ende l'occitan a Sent Lis
  • Contact

Recèrca / Recherche