Overblog
Editer l'article Suivre ce blog Administration + Créer mon blog
9 février 2019 6 09 /02 /février /2019 16:03
Tots a la manifestacion ende sauvar l'ensenhament de l'occitan

PAS D'OCCITANIE SANS L'OCCITAN !

PAS D’OCCITÀNIA SENSE L’OCCITAN !

« Una lenga val ben una catedrala » - Joan Bodon

 

Lo ministre de l’educacion nacionala, J.-M. Blanquer, e lo rectorat de Tolosa decidiguèron de copar l'ensenhament de l'occitan  :

al nivèl nacional, suprimisson tot interès l'occitan al bac e empachan l'occitan d'accedir al meteis estatut avantatjós Latin - Grèc

al nivèl academic, suprimisson los mejans donats abans als establiments per l’occitan. Fauta de mejans sufisents plan pauc de corses se mantendràn.

 

Las decisions de l'Estat son en contradiccion amb de nombroses engatjaments qu'a pres amb las collectivitats localas. La França se plaça dins l'illegalitat en escarnissent lo còdi de l'educacion e tanben la constitucion de la republica.


 

L'occitan es un dels elements fondador de l’identitat de nòstra region. Per plan conéisser e comprene nòstres territòris, podèm ignorar la lenga e la cultura millenàrias que pòrtan. Doblidar l'occitan es pas un signe de modernitat, mas una pèrda de substància.  

Dempuèi mai de 40 ans, las pòrtas dels establiments escolars de l'acadèmia de Tolosa se son pauc a pauc dubèrtas a l'ensenhament de l’occitan dins l'encastre d'una continuïtat de remarcar.

 

Fàcia a la regression plan violenta en camin, lo Centre Regional dels Ensenhaires d'Occitan de Tolosa (CREO), la FELCO, l’IEO, las Calandretas, ÒcBi, la Convergéncia occitana e d'autras associacions occitanas apèlan massissament, totas las e tots los que estacats coma eles al respècte de la diversitat culturala e lingüistica dels nòstres territòris, a una politica volontarista e ambiciosa per l'occitan e a son plen desvolopament dintre l'escòla, a manifestar :

 

DIMENGE 17 DE FEBRIÈR DE 2019, 14 H, A TOLOSA, PLAÇA DEL CAPITÒLI

 

Partager cet article

Repost0

commentaires

Presentacion / Présentation

  • : País de Catinou (Saint-Lys / Sent Lis)
  • : Site de l'association pour l'occitan à Saint-Lys / Siti de l'associacion ende l'occitan a Sent Lis
  • Contact

Recèrca / Recherche